Sálat ja lanjat
Deháleamos ovddastanlanjat Oscarshállas leat vuosttaš etásaš, eai ge 2.etášas nugo Gonagaslaš šloahtas. Dat lea danin go Gonagaslaš šloahtta huksejuvvui gonagassii ássanbáikin ja dan huksemis deattuhuvvui árbevieruid čuovvun, arkitektalaš decorum (makkár vierut ledje) go galge mearridit deháleamos lanjaid sajiid. Oscarshálla huksejuvvui hervvoštallanšloahttan ja danin sáhtii veaháš eahpeformálalaččat mearridit movt lanjaid bidjat.
