Govven: Fredrik Varfjell / NTB scanpix

Dálá monarkiija

Norggas lea vuođđolágalaš monárkiija. Dat mearkkaša ahte Majestehta Gonagas lea riikka formálalaš oaivámuš, muhto ahte su barggat eanas leat ovddastandoaimmat ja seremoniála doaimmat. Láhkaaddi ja mearrideaddji fápmu lea álbmogis válljejuvvon orgánain. Go Vuođđolágas daddjojuvvo ahte Gonagasas lea mearrideaddji fápmu, de dat mearkkaša otná dilis ahte Ráđđehusas dat lea dat fápmu.

Gonagasa vuođđolágalaš sadji

Majestehta Gonagas lea riikka formálalaš oaivámuš ja su sadji ja geatnegasvuođat leat čállojuvvon Vuođđoláhkii. Gonagasa geatnegasvuođat lea eanemusat dat ahte ovddastit ja čuovvut seremoniijaid.

Árberáidu

Vuođđolága § 6 mearrida árberáiddu norgga truvdnui. Ruvdnaprinsa Haakon lea vuosttažin árberáiddus, ja su maŋis lea su nieida, Prinseassa Ingrid Alexandra.

Stáhtaguossástallan

Stáhtaguossástallamis fitná stáhtaoaivámuš nuppi stáhtaoaivámučča luhtte almmolaš guossástallamis. Gonagas ja Dronnet leaba vuostáiváldit go olgoriikkaid stáhtaoaivámuččat bohtet guossin Norgii.

Almmolaš olgoriikkamátkkit

Diekkár guossástallamiid ulbmil lea dávjá sullii seamma go stáhtaguossástallamiid ulbmil, muhto dakkár guossástallamiin mat eai leat stáhtaguossástallamat, leat dávjá unnit seremoniijat.

Fylkamátkkit

Gonagasbárra ja Ruvdnaprinsabárra hálidit fitnat nu eatnat suohkaniin go vejolaš dán riikkas, ja dan láhkái olahivčče ge fitnat miehtá Norgga.

Audieanssat

Gonagasbearaš vuostáiváldá ollu olbmuid juohke jagi audisensii. Dát olbmot bohtet dávjá čilgen dihtii muhtun ášši ja muitalit muhtun organisašuvnna birra, dahje bohtet giitit árvomearkka dahje medálja ovddas.

Sivdnádallan

Gonagasaid sivdnádallan lea duhátjagi boares árbevierru Norggas. Seremoniija lea nu ahte Gonagas oažžu girku buressivdnádusa allaáiggalaš dilálašvuođas su gonagasbargui.

Árvomearkkat ja medáljat

Árvomearkkat ja medáljat juogaduvvojit bálkášupmin riikka olbmuide dahje olgoriikka boargáriidda earenoamáš ánssolaš bargguid ovddas maid sii leat bargan servodahkii buorrin.

Suodjalandoaimmat ja foanddat

Dat ortnet ahte suodjalit juoidá mearkkaša ahte dat organisašuvnnat dahje doalut maid suodjaleaddjin lea, leat rápmin dehálaš surggiin servodagas.