Sihkarvuođaossodat

Sihkarvuođaossodaga ovddasvástádus lea gozihit Gonagaslaš hoava sihkarvuođabargguid. Dán ossodahkii gullá maid Hoava biilavuddjiidbálvalus ja biilapárka, ja dat hoide maid poastta ja sentrálabeavddi ja vuostáiváldá buot gussiid geat bohtet Šlohttii.

Ossodat galgá áimmahuššat hoava bargiid ja gussiid sihkarvuođa. Dan ovddasvástádus lea maid gozihit gonagaslaš opmodagaid visttiid sihkarvuođadoaimmaid. Dárbbašlaš doaimmat árvvoštallojuvvojit opmodagaid geavaheami, symbolaárvvu ektui ja dan ektui man stuora historjjálaš árvu opmodagain lea. Bargu čađahuvvo lagas ovttasbarggus earet eará Gonagaslaš hoava kultuvra- ja opmodatossodagain. Gonagasbearraša sihkarvuođa goziha Gonagaslaš politiijaeskorte ja Majestehta Gonagas Garde.

Guokte suorggi leat sirrejuvvon sierra sekšuvdnan: Vákta-ja resepšuvdna ja Biilasekšuvdna.
Sihkarvuođaossodaga jođiha sihkarvuođahoavda Lars Ivar Frøystad.