Gonagas Haakon boahtá Norgii skábmamánu 25. beaivvi 1905 (NTB/Scanpix)

Gonagas Haakon ja Dronnet Maud

Gonagas Haakon lei riegádan borgemánu 3. beaivvi 1872 olggobealde Københámmana. Su namma lei Prinsa Carl, ja son lei nubbin boarraseamos Danmárkku Gonagas Frederik ja Dronnet Louise mánáin.

1905:s válljejuvvui Prinsa Carl Norgii Gonagassan. Ledje guokte faktora main lei stuora deaddu dánskka prinssa válljemis, namalassii su eamit – Prinseassa Maud gii lei brihttalaš gonagasbára nieida – ja dat ahte sudnos juo lei bárdni, truvdnoárbbolaš. Álbmotjienasteami maŋŋá mieđai Prinsa Carl giitalemiin boahtit Gonagassan Norgii. Son válddii nama Haakon VII ja attii bárdnásis Alexanderii Olav nama.

Skábmamánu 25. beaivvi 1905 bođii ođđa Norgga gonagasbearaš gáddái Vippetangenis Kristianias (Oslos).

Gonagas Haakon VII

Borgemánu 3. beaivvis 1872 – čakčamánu 21. beaivái 1957. Dánmárkku Ruvdnaprinssa Frederik ja Ruvdnaprinseassa Louise bárdni. Válljejuvvui Norgga Gonagassan 1905:s.

Dronnet Maud

Skábmamánu 26. beaivvis 1869 – skábmamánu 20. beaivái 1938. Stuorabrittánia Prinseassa ja Norgga Dronnet 1905 rájes. Náitalii suoidnemánu 22. beaivvi 1896 Prinsa Carlain, mii maŋŋá šattai Gonagas Haakon.