Ođasvuorká

Dál lea árbevirolaš gođđodorskebivddu áigi. Odne beasai Gonagaslaš Allavuohta Ruvdnaprinsa čuovvut guollebivddu Senjaland guollebivdinfatnasis.

Odne oaččuiga Kailash Satyarthi ja Malala Yousafzai Nobel Ráfibálkkašumi. Gonagasbárra ja Ruvdnaprinsabárra ledje Oslo Ráđđeviesus, gos ráfibálkkašumi vuostáiváldiguovttos oaččuiga liekkus buresboahtima, olbmot čuoččahedje ja doško gieđaid sudnuide.

Odne loahpaheigga Majestehtaguovttos Gonagas ja Dronnet stáhtaguossástallama Myanmaras. Soai leaba leamaš doppe vihtta beaivvi, ja mátki loahpahuvvui boares Mandalay gonagasgárdimis.

Majestehtaguovttos Gonagas ja Dronnet leaba mátkkoštan viidáseappot Baganii, mii lea historjjálaš tempelguovlu Mandalay-regiovnnas. Kulturmuittuid suodjaleapmi lei guovddážis Gonagasbára goalmmát beaivvi guossástallamis Myanmaras.

Gonagas Majestehta doalai sáhkavuoru demokratiija ovddideami birra Yangon Universitehtas odne. Su sáhkavuorru álggahii nuppi beaivvi Gonagasbára Myanmar stáhtaguossástallamis.

Majestehtaguovttos Gonagas ja Dronnet álggaheigga odne stáhtaguossástallama Myanmaras odne. Dán mátkki deháleamos ulbmil lea mearkkašahttit Norgga doarjaga dan nuppástuhttinprosessii mii doppe dál lea jođus.

Odne lea Gonagaslaš Allavuohta Ruvdnaprinsa guossástallanmátkkis Serbias. Ruvdnaprinssa prográmmas leat ollu doaimmat Serbia oaivegávpogis, Beogradas, gos son lea vuosttaš geardde guossin.

Majestehta Gonagas čuovui Nuorta-Finnmárkku friddjanbeassan lágideami odne. Lea 70 jagi dan rájes sovjehtalaš soahteveagat bággejedje duiska okkupašuvdnafámu eret Girkonjárgga guovlluin.

India ja Norgga ovttasbargu ealáhus-ja kultureallimis lei guovddážis stáhtaguossástallama nuppi beaivvi. Majestehtaguovttos Gonagas ja Dronnet čuovuiga  H.E. Presideantta Pranab Mukherjee ja Sharmistha Mukherjee.

Odne beasai Gonagasbárra sávvat Presidentii Pranab Mukherjee ja su niidii, Sharmistha Mukherjee, buresboahtima Norgii. Guossástallan álggahuvvui allaáiggálaš buresboahtinseremoniijain Šloahttašiljus odne iđđes.

Beassážiid finadeigga Majestehtaguovttos Gonagas ja Dronnet Beassášsullos Jaskesábis. Iskkadeaddji ja dieđaolmmái, norgalaš Thor Heyerdahl lei mielde dahkamin dien ávdinvuođa sullo dovddusin olles máilbmái. Odne livččii son deavdán 100 jagi.

"Mun dearvvahan Stuoradikki buresboahtima ovddasvástideaddji bargui ja sávan ahte dat bargu šattašii leat buorrin váhneneatnamii." Dieiguin árbevirolaš sániiguin álggahii Majestehat Gonagas odne Truvdnosártni ja Norgga 159. Stuoradikki allaáiggalaš rahpama.

Árbevieru mielde lea Gonagasbearaš Šloahttabalkoŋggas dearvvaheamen mánáidtoga Oslos. Majestehtaguovttos Gonagas ja Dronnet ja Ruvdnaprinsabearaš bohte balkoŋgii veaháš ovdalaš bealoktanuppelogi, go mánáidtoga lahkonii Šloahttašilljui.

- Im maehtieh mov uvte vuejnedh aktem jieledem bielelen gærjah. Daan biejjien H.K.H. Kronprinsessa sov lidteræære feelemem eelki Nordlandsbanesne. Daan sjïekenisnie Gånkavåågne lea dïeves gærjijste, jïh Lidteratuvretååge edtja Bådåddjon luvhtie vuejedh Skierden gåajkoe.

Kultuvreaerpie lij jarngesne Majesteete Trööhnegasse daan biejjien. Dovne vaanterdimmie akten vaarjelamme vearteneaerpien tjïrrh jïh akte gaavnesjimmie åarjelsaemien gïeline jïh kultuvrine sjïdti. Biejjie Röörosen tjaebpies gærhkosne eelki.

Odne ledje Kapellveien mánáidgárddi mánát audienssas Majestehta Gonagasa luhtte. Sis lei mielde sierra láhkaevttohus Gonagas Haraldii. Mánáidlága vuosttaš paragráfas daddjo ahte mis galget leat siivus gieđat.

Gonagaslaš Allavuohta Ruvdnaprinsa loahpaha iežas almmolaš guossástallama St. Petersburg gávpogis odne. Maŋemus oassi mátkkis lea oanehis guossástallan Norgga fitnodagas FMC Technologies. Fitnodat lea njunnošis olles máilmmis mii guoská oljo-ja gássabuvttadeami čovdosiidda meara vuolde.

Gonagaslaš Allavuohta Ruvdnaprinsa Haakon rabai odne almmolaččat Jotun ođđa fabrihka, mii lea olggobealde St. Petersburg gávpoga. Jotun lea guhká juo vuovdá málaid ruošša skiipaindustriijai, ja ollu St.Petersburg šalddiin leat málejuvvon Jotun málain.

Odne álggahii Gonagaslaš Allavuohta Ruvdnaprinsa Haakon golmmabeaivásaš almmolaš guossástallama Ruoššas. Ruvdnaprinsa galgá earet eará ovddidit Norgga ealáhusdoaimmaid nannenbargguid St. Petersburg ja Leningrad fylkkain.

- Ávvudehkot mii iežamet friddjavuođaid viissisvuođain, logai Majestehta Gonagas Harald go Vuođđoláhkaávvudeami rahpansártnis ikte eahket. Dat dahpahuvai historjjálaš báikkis, Eidsvollas, gos buot dát álggahuvvui.

Odne oaččui Organisašuvdna mii bargá kemikála vearjjuid duššindahkamiin (OPCW) Nobel ráfibálkkašumi, dan dihtii go sii rahčet oaččut eret buot diekkár vearjjuid olles máilmmis. Majestehtaguovttos Gonagas ja Dronnet čuovuiga dan allaáiggálaš seremoniija Oslo ráđđeviesus.

Gonagaslaš Allavuohta Ruvdnaprinsa Haakon ja stáhtaministtar Erna Solberg ovddasteigga Norgga Nelson Rolihlahla Mandela muitodilálašvuođas Johannesburggas disdaga juovlamánu 10.beaivvi. 80 000 olbmo, geaid searvvis ledje eatnat stáhta- ja ráđđehusoaivámuččat, gudnijahtte Mandela muittu dieinna dilálašvuođain.

Majestehtaguovttos Gonagas ja Dronnet loahpaheigga iežaska stáhtaguossástallama Tyrkias odne. Álggus beaivvi leigga soai norgga – turkalaš ealáhussemináras, ja dan maŋŋil oaččuiga soai vejolašvuođa fitnat geahččamin ovddolaš Alit moskéa ja Aya Sofia gárdimiid.

Gonagasbárra álggahii iežas nuppi stáhtaguossástallanbeaivvi Tyrkias Norgga- Tyrkia ealáhusseminárain Ankaras. Majestehta Gonagas rabai dien seminára, man váldofáddán lea ođasmahtti energiija ja čáhcefápmu.

Odne álggaheigga Majestehtaguovttos Gonagas ja Dronnet golmmabeaivásaš stáhtaguossástallama Tyrkias. Tyrkia ja Norgga ovttasdoaibma lassána čađat, ja lea vuosttaš geardde go dát guokte riikka čađaheaba stáhtaguossástallama.

Mun sávan Sámediggái buresboahtima ovddasvástideaddji daguide ja sávan dan šaddat ávkin sámi álbmogii ja min riikii. Nie čudje Majestehta Gonagasa sánit go son rabai 7. Sámedikki odne.

Odne rabai Majestehta Gonagas Harald 158. dábálaš Stuoradikki. Seremoniija čađahuvvo allaáiggálaččat, Vuođđolága § 74 mearrádusa mielde.

Gonagaslaš Allavuođaguovttos Ruvdnaprinsa ja Ruvdnaprinseassa loahpaheigga iežaska Vest-Agder fylkkamátki Marnardal ja Songdalen suohkaniin. Álggos soai leigga Mandalas, gos Ruvdnaprinsabárra oaččui čáppa buresboahtinsávaldagaid.

Gonagaslaš Allavuođaguovttos Ruvdnaprinsa ja Ruvdnaprinseassa jotkkiiga iežaska Vest-Agder fylkamátkki odne. Ruvdnaprinsabárra finai Audnedal ja Åseral suohkaniin ovdalgo manaiga fas Gonagasskiipii Mandalas.

Stuora hirpmuslaš riđđu Ivgus Romssas lea vuolggabáiki Barents Rescue gádjunhárjehallamii 2013. Majestehtaguovttos Gonagas ja Dronnet finaiga eske dien hárjehallama geahččamin

Odne vuolgá Ruvdnaprinsabárra fylkamátkái Vest-Agderii. Golmma beaivvis áiguba soai fitnat guđa suohkana guossis dien fylkkas. – Lean sakka illudan beassat vuolgit vuosttaš geardde fylkamátkái iežan ruovttufylkii, logai Ruvdnaprinseassa iežas vuosttaš sártnis.

Eske iđđes jovde guokte Gonagasbára gáddái Romssas. Majestehtaguovttos Gonagas Carl Gustaf ja Dronnet Silvia leaba almmolaš guossástallamis Norggas, ja min iežamet Gonagas ja Dronnet leaba gussiid vuostáiváldit.

Ruoŧa gonagasbárra, Majestehtaguovttos Gonagas Carl Gustaf  ja Dronnet Silvia, leaba almmolaš guossástallamis Norggas. Majestehtaguovttos Gonagas Harald ja Dronnet Sonja leaba gussiid vuostáiváldit. Guossástallan čađahuvvo ollislaččat Davvi-Norggas.

Eske iđđes joavddaiga Majestehtaguovttos Gonagas ja Dronnet Åfjordii fatnasiin. Doppe oaččui Dronnet sihke liđiid ja mátkki stuorámus buorranastima njealjejahkásaš Eyla Coynes. Dat lea maŋemus beaivi Gonagasbára fylkkamátkkis Mátta-Trøndelágas.

Majestehta Gonagas spovii Osen ássiide buori ja guhkes eallima odne. Dat lea vejolaš go seaguha buori movtta ja buori dearvvašvuođa, oaivvildii Gonagas. Son ja Majestehta Dronnet vásiheigga hearvás ovdalgaskabeaivvi Osenis.

Odne iđđes lávkiiga Majestehtaguovttos Gonagas ja Dronnet Hitra gáddái. Dat lei Gonagasbára dán jagi fylkkamátkki álgu. Soai galgaba fitnat guđa suohkanis Mátta-Trøndelagas.

Eske eahkes čuovui Gonagasbárra Fra Berliner til Buick čájáhusa rahpama Troandimis. Čájáhussii leat čohkken muhtun fievrruid Šloahta vuorkkás mat čájehit Šloahta vuodjinfievrruid 1905 rájes 1940 rádjái, ja dat lea maŋemus čájáhus Gonagaslaš mátkkit čájáhusas – mii lea Ráđđehus skeaŋka Gonagasbára 75-jagi beivviide.

Odne attii Majestehta Gonagas Harald Abelbálkkašumi, mas lea hui stuora mearkkašupmi, belgiija matematihkkárii Pierre Deligne. Deligne oažžu bálkkašumi danin go lea bargan earenoamáš mearkkašanveara barggu algebra geometriija suorggis.

Árbevieru mielde lea Gonagasbearaš Šloahttabalkoŋggas dearvvaheamen mánáidtoga Oslos. Majestehtaguovttos Gonagas ja Dronnet ja Ruvdnaprinsabearaš bohte balkoŋgii veaháš ovdalaš bealoktanuppelogi, go mánáidtoga lahkonii Šloahttašilljui.

Mannan vahkus ollašuvai Majestehta Gonagas Haralda dološ niehku. Son beasai orrut njeallje beaivvi ovttas yanomami-indiánaiguin Brasiilla suhkkes arvevuovddis.

Ruvdnaprinsabearaš deaivvadii preassaolbmuiguin govvedeapmái maŋŋá go Ruvdnaprinsabárra lei leamaš mielde láidesteaddjin riddárrennet čuoigamis Beitostølenis odne.

Árbevirolaš Ridderrennet lágiduvvo dán jagi 50. geardde. Čuoigamiid suodjaleaddji, Prinseassa Märtha Louise, ja Gonagaslaš Allavuođaguovttos Ruvdnaprinsa ja Ruvdnaprinseassa leigga maid mielde láidesteaddjin otná čuoigamiin.

- Muhtomin mii fertet leat roahkkadeappot, vai duostat iežamet jiena geavahit. Ja juohke háve šaddat mii eanet ollisin olmmožin, logai Majestehta Dronnet go sus lei sáhkavuorru Folketeateris odne, gos ledje ollu olbmot. Dronnet searvvai IMDI nissonbeaivvi lágideapmái ja nissonolbmuid jienastanlobi ávvudeapmái.

Odne lei Gonagaslaš Allavuohta Ruvdnaprinsa fárus ávvudeamen Sámeálbmot beaivvi ođđa Girkonjárgga skuvllas. Ruvdnaprinsa ságastalai ohppiiguin dan birra man mávssolaš lea leahket dakkárin go olmmoš juo lea.

Gonagaslaš Allavuohta Ruvdnaprinsa bođii odne Girkonjárgii gos galgá čuovvut guovttebeaivásaš viiddis prográmma Barents Spektakel festivála rahpandilálašvuođas ja son galgá maid čuovvut Sámeálbmotbeaivvi doaluid guovvamánu 6.beaivvi.

Majestehta Dronnet lei Davvinorgga Dáiddamuseas Romssas go Kulturministtar Hadia Tajik rabai Silbaheadjaskeaŋka čájáhusa eske veaigin. Čájáhussii leat čohkkejuvvon maleriiját maid Oscar II ja Dronnet Sophie oaččuiga álbmogis skeaŋkan 1882 headjabeaivái.

Majestehta Gonagas rabai ávvudeami Munch 150 allaáiggalaš lágideamis Oslo ráđđeviesus odne eahkes. Lea 150 jagi dan rájes Edvard Munch riegádii, ja dat galgá čalmmustahttejuvvot doaluiguin miehtá dán jagi.

Dán jagi juovlakonsearta Gonagaslaš šloahtas lágiduvvui gaskavateahket. Sihke Gonagasbárra, Ruvdnaprinsa, Prinseassa Ingrid Alexandra ja Marius ledje «Juovllat Šloahtas», konsearttas, mii čájehuvvo TV:s odne eahkes.

Odne doalai Majestehta Dronnet Sonja govvalogaldallama "Impressions of Norway" . Guldaleaddjin ledje Majestehta Gonagas ja 200 Norgga ja olgoriikkaid ealáhusbargosurggiid ovdadsteaddjit. Logaldallama vuođđun leat Dronnega iežas govat ja vásáhusat Norgga luonddus.

Davviguovllut leamaš guovddážis daid beivviid go Suoma stáhtaoaivámuš leamaš stáhtaguossástallmis dáppe, ja maŋemus guossástallanbeaivi lei Romssas. Gonagaslaš Allavuohta Ruvdnaprinsa čuovui H.E. Presideantta Niinistö ja su roavvá Haukio otná beaivvi dáhpáhusain.