Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.
Majestehta Gonagas lea sádden čuovvovaš lihkusávaldatdearvvuođa:
Majestehtat,
Ráhkis Frederik ja Mary
Mu bearaš ja mun cealkit dudnuide liekkus lihkusávaldagaid Dánmárkku ođđa gonagasbárran.
Doai čuovvoleahppi monárkka gean ferte hervvošit go nu ollislaččat lea deavdán iežas rolla. Liekkusvuođain, viisodagain ja áŋgiruššamiin lea Majestehta Dronnet Margrethe čuvvon riikka ja riikka álbmoga ilu ja morraša čađa. Badjel 50 jagi lea son nagodan leat lagas monárka – stuora čehppodagain ja buriin movttain mii dego njoammu earáide. Ja sus lea leamaš nanu doarjja lagamus bearrašis. Lagas ustitvuohta gaskal min bearrašiid, mearkkša olu midjiide buohkaide.
Dál galgabeahtti árbbi fievrridit viidáseappot, ja doai čuovvubeahtti Dánmárkku ođđa áigái. Mun lean vissis dan ala ahte doai ollašuhttibeahtti dunno ođđa rollaid áibbas bures. Mu bearaš ja mun doaivut ja rohkadallat dan ovdii ahte oažžubeahtti vuoimmi, searaid ja doarjaga maid dárbbašeahppi dunno doaimmas.
Harald R
Juogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.
Nobel ráfibálkkašumi geigejupmi 2023
Sotnabeaivve válddiiga 17-jahkásaš jumešguovttos Kiana ja Ali Rahmani vuostá Nobel ráfibálkkašumi mii dán jagi juhkkojuvvui sudno eadnái, Narges Mohammadi. Gonagasbárra ja Ruvdnaprinsabárra čuvvo allamenolaš seremoniija Oslo ráđđeviesus.