Prinssa válddálašvuođabeaivvi čalmmustahttin

Dronnet Sonja sávai buresboahtima ja celkkii Prinsa Sverre Magnusii muhtun sániid su boahtteáigái.

– Magnus, mun dáhtun dutnje ja eará 18-jahkásaččaide min riikas dadjat juoidá mii lea dehálaš: namalassii ahte lea dievaslaš ja buorre leat juste nu mot leat. Deháleamos lea olahit oadjebasvuođa ja jeagadit iežat jiena, deattuhii Dronnet sártnistis mánáidmánnái.

– Siskáneapmi, miehtemiella eará olbmuid dilálašvuođaide ja leat buorre usitit, dat lea mihá deháleabbo go leat nu “čeahppi” vaikko masa. Mun doaivvušin ahte don nagodat nuoraide du birrasis addit oadjebasvuođa juste dán dáfus. Dás lea mis buohkain dahkamuš earáid ektui.

Loga Dronnega sártni

Bearašgovva. Govva: Heiko Junge / NTB

Unna festasálas Šloahtas ledje sullii 70 olbmo, ja sidjiide guossehuvvui bálddis, vuovssamielga ja vanillja-limemousse ja mangosorbet bajálužžan.

Prinsa Sverre Magnus. Govva: Terje Pedersen / NTB

Bearraša lassin oasálaste almmolaš Norgga ovddasteaddjit, nuoraidorganisašuvnnat ja risváhnemat beaivemállásiin. Stuorradiggepresideanta Masud Gharahkhani lei das, nu maiddái bargo- ja searvadahttinministtar Tonje Brenna ja ruhtadanministtar Trygve Slagvold Vedum ráđđehusa beales. Samedikki ovddastii dievaščoahkkinjođiheaddji Tom Sottinen.

Dehálaš namat guosselisttus, ledje gávcci nuoraidorganisašuvnna jođiheaddjit: Norges Bygdeungdomslag, Norgga Boazosápmelaččaid Riikkasearvi nuoraidlávdegoddi, LNU (Landsrådet for Norges barne- og ungdomsorganisasjoner), Røde Kors Ungdom, Elevorganisasjonen, Natur og Ungdom, DNT Ung ja Skeiv Ungdom.

Stuorradiggepresideanta Masud Gharahkhani. Govva: Peter Mydske / Stortinget / NTB

Majestehta Gonagas lea nammadan Prinsa Sverre Magnusa Gonagaslaš St. Olav gudnimearkka Stuorrarussii. Árvomearka geigejuvvo priváhta doaluin Gonagaslaš šloahtas válddálašvuođabeaivvi ávvudeami oktavuođas.