Gonagasbárra Granvin ja Ulvik suohkaniin

Brukkas manne sii viidáseappot Granvin gilišilljui, gos ledje ráhkadan álbmotfeastta guossástalliid várás.

Gonagasfanas jođus Granvin kájái. Govva: Tom Hansen, Hansenfoto.no

Guossin Granvinas

Buvddaid mat ledje lágiduvvon dohko, beasai Gonagasbárra buorebut oahpásnuvvat Granvin olbmuide ja organisašuvnnaide. Doppe ledje Granvin Nuoraidráđđi, ja tuvrasearvi, báhčinsearvi ja giehtafággádallansearvi. Granvin boandasearvi ja duddjonsearvi ledje maid searvvis, ovttas máŋggabealát Larsastova  dállodoalu ovddasteddjiin, Moelven Granvin fitnodagain ja lagasrámbuvrriin.

Granvin giehtafággádallansearvi čájeha giehta fággádallama Gonagasbárrii. Govva: Tom Hansen, Hansenfoto.no

Álbmotmusihkka ja hardingfela leat guovddážis Granvinas, ja dan beasai Gonagasbárra vásihit gilišiljus. Alexander Aga Røynstrand muitalii Granvin álbmotmusihka historjjá, ja čuojahii maid ieš hardingfela ovttas musihkkáriin Rannveig Djønne, guhte čuojahii toradera. 

Gonagas ja Dronnet beasaiga maid gullat go Knut Hamre čuojahii. Hamre nammaduvvui St. Olav Kommandevra Árvomearkka/ Kommandør av St. Olavs Orden gudniánsui jagis 2017 – dan dihte go lea nu áŋgirat bargat norgga álbmotmusihkain.

- Lea ovddolaš oaidnit ahte dii lehpet nagodan doalahit álbmotmusihka – ja de eandalii hardingfela – nu eallin dáppe Granvinas. Čađat ilbmet ođđa čuojaheaddjit! Doppe gos buoremus fámut dihto fágasuorggis, dáiddasuorggis dahje duodjis čoahkkanit, doppe šaddá nana fápmoguovddáš–  ealli akademiija, nugo Granvin iežas diktačálli Ruth Lillegraven čilge ge, logai Dronnet sártnistis gilišiljus eske iđđesbeaivvi.

Knut Hamre čuojahii Gonagasbárrii. Govva: Tom Hansen, Hansenfoto.no

Gonagas ja Dronnet oaččuiga maid vejolašvuođa fitnat geahččamin Havaas - čoakkáldaga. Doppe muitalii Magne Røynstrand  Johan Havaas bargguid birra (1864-1956). Son mátkkoštit miehtá riikka, registrerii ja čohkkii ollu sámmáliid, jeahkáliid ja parasihttaguobbariid. Son lei buoremuddui iešoahppan botanihkar gii oahpai vihtta giela, vai nákcii gulahallat olgoriikkalaš dutkiiguin. 1935:s oaččui son Gonagasa ánsomedálja gollis, su dieđalaš bargguid ovddas.

Dál lea oassi su čoakkáldagas gávdnamis Granvin gilišiljus.

Gonagasbárra guođđá Havaas- čoakkáldaga, gos soai leaba geahčadan iešoahppan botanihkkara bargguid. Govva: Marit Hommedal / NTB scanpix  

Viidáseappot Ulvikii

- "Die lea dego niehku" - borjjastit Ulvikvuonas odne, go vuos leat mannan čáppa Hardangeršalddi meaddel, birastahttojuvvon ceakko váriiguin, ja de boahtit vuona sisa gitta deike Ulvika šattolaš eappelgittiide, ja geahčadit bajás váriide – dat lea veahá ge boahtin!

Gonagas Harald siterii Olav H. Hauge, go doalai sártni Ulvikas. Diet stuora diktačálli lei riegádan dáppe. Hauge lei eappelboanda – ja lea ge juste eappelgilvin maid eatnasat jurdilit go gullet Ulvik ja Hardanger namaid.

Gonagasbárra vujii beakkán "šaddo- ja šaddojugus ruvttu"gitta Hjeltnes Gartnerskuvlii. Dohko ledje Ulvik olbmot čoahkkanan festii gussiid vuostáiváldin oktavuođas. Doppe beasaiga maid Gonagas ja Dronnet gullat vel eambbo dien árbevirolaš ealáhusa birra.

Hardanger siderjugus lea dovddus ja dehálaš ealáhus Ulvikas. Govva: Tom Hansen, Hansenfoto.no

- Eanadoallu ja šattuid gilvin, sider juhkosa buvttadeapmi ja turisma leat nanu vuođđun Ulvik ássamii ja eallimii – nugo máŋgga eará báikkis dán vuotnagáttis. Dan oaidná dalán go boahtá deike, ja moai oinniime dan go beasaime vuodjit šaddo – ja siderruvttu, logai Gonagas. - Ulvik ođđaáigásaš eanadoalus lea siderjuhkosa buvttadeapmi dagahan dállodoaluide ođđa ealáhusvuođu, go livččii soaitán gártat váttisin birget smávva árbevirolaš doaluiguin muđui. Dat čájeha hutkáivuođa ja ođđasis jurddašan návccaid.

Gonagasbárra beasaiga čuovvut fiinna kulturprográmma Ulvikas, gos sihke Kulturskuvla ja Haugeguovddáš guoimmuhedje. Govva: Tom Hansen, Hansenfoto.no

Hjelnes Gartnerskule lea áidna skuvla dán riikkas gos oažžu arborista - muorradikšunoahpu. Okta čeahpes muorradivššár lei ge fárus go Dronnet Sonja gilvvii áikamuora eske veaigin, muitun guossástallamii.

Dronnet Sonja gilvvii áikamuora Hjeltnes báikái. Govva: Marit Hommedal / NTB scanpix

Jotket mátkki

Eahkes leaba Gonagas ja Dronnet mállásiin Brakanes hoteallas ovdal go máhccaba fas Gonagasskiipii. Ihttin lea fylkamátkki maŋemus oassi. De guođđá Gonagasbárra Hardangera ja vuolgá Askøy guvlui mátkkoštit.