Olav Duuna riikkas

Lea nubbe beaivvi Gonagaslaš Allavuođaguovtto Ruvdnaprinssa ja Ruvdnaprinseassa fylkkamátkkis Davvi-Trøndelagas. Ikte beasaiga ollu vásihit Høylanddas, Namsskoganis, Kråangkes ja Namsosas, ja odne vurdet ođđa vásáhusat.

Álggos Fosnesas

Ruvdnaprinsabárra mátkkošta Gonagasskiippain fylkamátkkis, ja odne iđđes sii borjjastedje smávit fatnasiin Seierstadii Fosnes suohkanis.

Fyret girjás viesus

Álggos sii manne Fyret vissui, mii geavahuvvo iešguđetlágan doaimmaide. Doppe ledje kulturskuvlla  1. ja 2. luohkkálaččat čoahkkanan lávlut, stoahkat ja ritmmaid čájehit. Girjerádjosis čohkkedeigga Ruvdnaprinsa Haakon ja Ruvdnaprinseassa Mette-Marit muhtun mánáid searvái geat ledje boahtán Jøa mánáidgárddis. Sii geahčadedje girjjiid, ja Ruvdnaprinsabárra beasai gullat mo mánáid mielas lei sin mánáidgárdi, ja maid sii liikojit bargat.

Guossin Fyret kulturviesu girjerádjosis. Govva: Berit Roald, NTB Scanpix

Hállas mii geavahuvvo iešguđetlágan doaimmaide, ledje mánát stoahkamin spáppain. Nuorat 10. ceahki rájes muitaledje dán vistti birra ja maid sii doppe sáhttet bargat. Viessu leat energiija ekonomalaččat huksejuvvon, ja doppe lea sihke basseaŋga ja báhčinbána.

Olav Duuna mánnávuođaruoktu

Okta min stuorámus diktačállin lei eret Fosnesas. Olav Duuna mánnávuođaruoktu lea Øver-Dun nammasaš báikkis, ja dat rahppui álbmogii 2011:s. "Olav Duun ieš" čuččodii šiljus odne go Ruvdnaprinsabárra bođii dohko. Lei Vidar Strøm Tingstad gii lei nevttii diktačálli, 25 jahkásaš álggahalličállin, gii lei eahpádusas- ahte galggai go čuovvolit iežas niegu ja  álgit girječállin, vai galggai go álgit eanadoallin nugo vurdojuvvui.

Girječállin vai eanadoallin? Nuorra Olav Duun váivašuvvá go ferte válljet juoppá. Govva: Berit Roald, NTB Scanpix.

Go ledje beassan geahčadit mánnávuođaruovttu, de ledje kulturovdanbuktimat šiljus. Olav Duun joatkkaskuvlla nuorat dulkojedje Duuna,  ja kulturskuvlla rumbojoavku čájehii iežas dáiddalašvuođa.

Ruvdnaprinseassa  Mette-Marit doalai sártni dán beakkán diktačálli birra Øver-Dunas.
Nugo eatnat eará diktačállit, de čálii Olav Duun maid eallima stuora gažaldagaid birra. Smávva olbmuid deaivvadeami birra stuora fámuiguin, ja son čálii máilmmigirjjálašvuođa unna báikkážis Trøndelaga mearragáttis.

- Olav Duun lea gohčoduvvon ráhkisvuođa diktačállin. Son čállá eallima stuora áššiin. Ja čállá buorrevuođain sidjiide geat gahččet olggobeallái.  Čállá buhcciid, lihkuhis olbmuid birra, ja sin birra geat eai riekta heivestuva gosage. Ja son čállá maid árvvas, buoredáhtolaš ja ovddasmorašteaddji olbmuid birra, logai Ruvdnaprinseassa, ja loahpahii Duuna iežas sániiguin: "Nu buorre sáhttá olmmoš leat ahte dás šaddá juga hui čáppat."

Gáffe kájá alde

Kájás,  Seierstada rámbuvrris, lea Kafé Paradis. Káfeija lea  dehálaš čoaggananbáiki gilis, eandalii vuorasolbmuide.  Muhtumat sis ledje bovdejuvvon dohko odne, go Ruvdnaprinsabárrii guossohedje lunšša Paradis káfeijas ovdal go Gonagasskiipa fertii fas borjjastit viidáseappot.

Mátki joatkkašuvvá...

Dasto lei Flatanger bisánanbáikin Ruvdnaprinssa mátkkis. Dan birra beasat fargga lohkat go čuovut leaŋkalisttu. Doppe gávnnat maid govvaalbuma mas leat ollu govat Fylkkamátkkis.