Ráidun sávvamin lihku
Neahtas ja báhpiriin, govat, sárgumat ja videosáddagaččat - ollu diekkár lihkkosávaldagat bohte Šlohttii disdaga. Vaikko man ollu lihkkosávaldagat Majestehta Gonagas Harald 80-jagi beaivái.
Sullii 9 300 lihkkosávaldaga leat čállojuvvon lihkkosávvanprotokollii Gonagasviesu neahttasiidduin. Savaldagat bohtet miehtá riika - ja maiddái olgoriikkain. Eaŋkil olbmuin ja institušuvnnain, bearrašiin, skuvlaluohkáin, mánáidgárddiin ja boarrásiidsiiddain. Dál ii sáhte šat čállit dien ptotokollii - muhto buohkat geat hálidit, sáhttet dáin siidduin oaidnit daid ollu hávskis dearvuođaid mat leat boahtán.
Lihkkosávvanprotokolla Šloahtas
Šloahta Váldouvsssa lusa lei biddjon almmolaš lihkkosávvanprotokolla, ja Stuoradiggepresideanta Olemic Thommessen lei vuosttaš gii čálii namas dasa - ja dakka maŋŋá čálii maid stáhtaministtar Erna Solberg. Diibmu 10.00 rájes lei Diplomáhtalaš korpsa vuorru. Ambassadevrrat miehtá máilmmi bohte Šlohttii čállit iežaset lihkkosávaldagaid protokollii.
Olbmot jođus čállit sávaldagaid Šloahta lihkkosávvanprotokollii. Govva: Sven Gj. Gjeruldsen, Gonagaslaš hoavva.
Diibmu 14.00 rájes beasai álbmot boahtit čállit. Buohkat geat hálidedje ja geain lei vejolašvuohta, sáhtte boahtit Šloahta váldouksii čállit protokollii. Jurdda lei doallat rabas diibmu 16.00 rádjái, muhto ain ledje ráidun olbmot. Ja ii oktage sis geat ledje boahtán ovdal 16.00, šaddan vuolgit nu ahte eai beassan čállit, ja danin doalaimet rabas beannot diimmu guhkit.
Mánáidsárgumat
Mánát leat sadden ollu somás govaid Gonagassii, nugo dát albma fiinna govva maid guđajahkásaš Martine lea sárgon.
Mii almmuhit muhtun sárgumiid Gonagasviesu mánáidsiidduin, ja muittuhit seammás ahte váhnemat fertejin dohkkehit dan ahte mii beassat almmuhit daid sárgumiid maid mii válljet almmuhit. Dan sáhttibehtet čálistit sárgumiid duogábeallái go sáddebehtet daid midjiide.
Dearvuođat Facebookas
Ollugat sávve Gonagassii lihku Gonagasviesu Facebooksiidduin - dahje bidje lihkkosávaldagaid iežaset siidduide. Muhtun mii dagai dan earenoamáš lagi mielde, lei Nordic Tenors. Sii digaštalle vuos iežaset Facebookustibiiguin, ja de bukte dán oktasašprošeavtta Gonagasa riegádanbeaivái:
Nordic Tenors laget denne hilsenen til Kong Haralds 80-årsdag sammen med sine Facebookfølgere.
Gonagas Harald ávvudii beaivvi bearrašiinnis. Sihke Gonagas ja Dronnet deavdiba 80 jagi dán jagi, ja almmolaš ávvudeapmi lea miessemánus.
Gonagasviesus lea almmolaš Instagram konto. Doppe gávnnat Gonagasbearraša govaid, máŋggalágan ovddastemiid oktavuođas ja olbmuid deaivvademiin miehtá riikka.
Juogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.
Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.