Stáhtaguossástallan Myanmaras

Gonagasbára mieldemátkkošteaddjit leat olgoriikaministtar Børge Brende, ealáhusministtar Monica Mæland, Oljo - ja energiijadepartemeantta stáhtačálli Kåre Fostervold ja Dálkkádat-ja birasdepartemeantta stáhtačálli Lars Andreas Lunde, ja 70 ovddasteaddji geat ovddastit 40 Norgga fitnodaga. Gonagasbárra galgá leat vihtta beaivvi Myanmaras.

Máŋga duhát nuora, geain ledje skuvlauniforpmat ja Norgga ja Myanmar leavggat, čužžo dego čikŋan geaidnorávddain girdihámmanis gitta Nay Pyi Taw gávpogii – mii lea Myanmar ođđa huksejuvvon oaivegávpot.

Buresboahtinseremoniija Nay Pyi Taw gávpogis

Gussiid bovdejeaddjit, H.E. Presideanta Thein Sein ja su roavvá Daw Khin Khin sávaiga Gonagasbárrii almmolaččat buresboahtima. Militeara buresboahtinseremoniija lei olggobealde Presideantagárdima oaivegávpogis Nay Pyi Taw.

Maŋŋil seremoniija deaivvadeigga Gonagas Harald ja Dronnet Sonja Presideantta Thein Sein ságastallamiidda. Gonagasbárra beassá vuosttaš stáhtaguossástallanbeaivvi mielde deaivvadit Myanmar golbma alimus dási guovddáš politihkkára: Presideanta Thein Sein, parlameantta presideantta Shwe Mann ja opposišuvnna jođiheaddji Aung San Suu Kyi.

Orkideat gilvvavuorkái

Gonagas Harald ja Dronnet Sonja beasaiga addit hui earenoamáš skeaŋkka Myanmar ovddasteddjiide odne. Dan riikkas lea earenoamáš lieđđeriggodat, muhto olles 800 iešguđetlágan orkideašlája leat juo jávkagoahtán. Norgga eiseválddit fállet ahte Myanmar oažžu saji vurkkodit gilvagiid gilvvavuorkkás Svalbárddas, vai sáhttá dieid čáppa liđiid siepmaniid vurkkodit – ja gilvit daid fas Myanmarii, jus dasa šaddá dárbu.

Ovttasbargat ovddidemiin

Gonagasbárra lei maid fárus go Norgga ja Myanmar sáttagottit deaivvadedje ságastallamiidda Presideantagárdimis. Čoahkkima boađusin šattai MoU dokumeantta vuolláičállin – dat lea bajitdási soahpamuš dien guovtti riikka ovddidanovttasbarggus.

Sártnistis lunšša oktavuođas Presideantabára guossis, namuhii Gonagas Harald dien soahpamuša. Son čujuhii ahte soahpamuša deháleamos suorggit leat demokratiija ovddidanbarggut, nuppástuhttinproseassa, biras ja nanu guoddevašvuhtii:

- The memorandum of understanding on development cooperation that was signed earlier today symbolises a strengthening of relations between our two countries. It shows Norway’s commitment to consolidating and broadening relations through long-term development cooperation. Through this MoU, Norway and Myanmar have agreed that the overall goal for our bilateral development cooperation is to contribute to peace and reconciliation. We also aim to improve the environment for social and economic development.

We have agreed to focus our cooperation on two main areas. The first area is peace, democratisation and the reform process. The second main area of cooperation is energy, the environment and climate change, and the sustainable management of natural resources.

Deaivvadeigga Aung San Suu Kyi

Veaigin deaivvadeigga Gonagas Harald ja Dronnet Sonja parlameantajođiheddjiin Shwe Mann, ja dan maŋŋil opposišuvdnajođiheddjiin Aung San Suu Kyi. Suu Kyi oaččui Nobela ráfibálkkašumi 1991:s dan ovddas go lea bargan veahkaválddálašvuođa haga demokratiija ja olmmošvuoigatvuođaid ovddidemiin.

Viidáseappot Yangon gávpogii

Myanmar áigi lea 5,5 diimmu ovdalis Norgga áiggi, ja dál lea Gonagasbárra juo mátkkoštan viidáseappot Yangon gávpogii, gos nubbe beaivi stáhtaguossástallamis galgá leat. Yangon gávpoga namma lei ovdal Rangoon, ja dat lei Myanmar oaivegávpot gitta 2006 rádjái. Dán beaivvi prográmma álggahuvvo universitehtas, gos Gonagas Harald galgá doallat sáhkavuoru demokratiija ovddideami birra.