Gonagasa Ánsomedállja 100 jagi

Lei Gonagas Haakon gii ásahii Ánsomedálja, guovvamánu 1. beaivvi 1908. Ulbmil lei ollismahttet St. Olavs Orden árvomearkka.

Manne ánsomedállja?

Go nammidit geat galget oažžut Gonagaslaš Norgga St. Olav Árvomearkka, de dat dahkko doaibmanjuolggadusaid mielde main daddjo ”… bálkášupmin earenoamáš ánssolaš barggu ovddas maid lea bargan Gonagassii ja Váhneneatnamii, ja Olmmošvuhtii buorrin dahje earenoamáš dáiddalaš- ja dutkanbarggu ovddas”.

Dat mearkkašii ahte ledje vuosttažettiin bajemus dási olbmot servodagas, dáiddárat ja dutkit geat sáhtte dien árvomearkka oažžut. Eai dábálaš olbmot oba ožžon ge dan. Danin ásahuvvui Gonagasa ánsomedállja. Dat galgá addojuvvot bálkášupmin olbmui gii lea earenoamáš mearkkašahtti lági mielde bargan dáidagiin, dutkamiin dahje ealáhuseallimis ja maiddái almmolaš bálvalusas. Dat čuovvola Gonagas Oscar II Bálkášanmedálja, mii heaittihuvvui 1905:s.

Geat dan leat ožžon?

Medálja 100 jagis leat 35.000 dievddu ja nissonolbmo ožžon Ánsomedálja. Dat juogaduvvo gollis dahje silbbas, gollemedáljaid juohkin lea sullii 15 % ollislaš juohkinlogus. Historjjálaččat lea nissonolbmuid lohku leamaš vuollin, birrasii 10-12 %, muhto lohku lassána jagis jahkái, servodatovdáneami mielde muđui.

Medálja leat ožžon vaikko guđe ámmátsuorgái gullevaš olbmot ja organisašuvnnat. Dat leat sotnabeaiskuvlaoahpaheaddjit, buohccidivššárat, eanandoallit, boastaolbmát, mekanihkkárat, lásebossut, fabrihkkabargit, luohttámušolbmot, sosiálabargit, penšunerejuvvon sátnejođiheaddjit, oahpaheaddjit, direktevrrat, doaktárat, mišunearat, neavttárat, artisttat, falástallanjođiheaddjit, guolásteaddjit, beastinoffiserat, girječállit, musihkárat, juristtat ja dutkit – ja ollu eanebut.

Buot namat neahtas

100-jagi ávvudeami oktavuođas leat buot 35.000 Ánšomedálja vuostáiváldi nama biddjojuvvon min neahttasiidduide. Dieđut mat leat gávdnamis Árvomearkačállingotti giehtačállojuvvon journalain 1908 rájes ovddosguvlui, leat sirdojuvvon nehttii. Dain dieđuin leat namat, medálja valøra, ámmát/virgi ja maŋit áiggi juohkimiin lea maid čállojuvvon ássanbáiki.

Dieppe sáhttá ohcat nama, ámmaha ja báikki mielde, ja dan láhkái gávdnat sogalaččaid ja ustibiid geat leat ožžon medálja. Dan sáhttá bargat go ohcá dáppe: Árvomearkkaid ja medáljaid juohkin - Arkiiva (dárogiel siidu).