Ánsoárvomearka

Gonagaslaš Norgga ánsoárvomearkka ásahii Gonagas Olav V 1985:s. Dat sáhttá addojuvvot norgga ja olgorit boargáriidda bálkášupmin dan ovddas go leat bargan earenoamáš ánssolaš doaimma norgga beroštumiide buorrin. Majestehta Gonagas lea dán árvomearkka Stuorameasttir.

Ánsoárvomearkkas lea golbma dási ja dat leat juogaduvvon guovtti luohkkái:

Stuoraruossa
Kommandøra mas lea násti
- Kommandøra
1. luohká Riddár
- Riddár

Hábmen

Árvomearkkas lea Olavruossa – gollehuvvon dahje silbbas – ja juohke njealji geažis ruossas lea eaŋkil ruvdna ja vel rukses ruossa mas leat seamma guhkkosaš soajit, ja gasku dan siste lea Gonagas Olav V ruvdnejuvvon monográmma.

Árvomearkka báddi lea čiekŋalis alit ivnnis.

Ánsoárvomearka: Kommandøra mas lea násti. Govva: Foto: Jan Haug, Gonagaslaš hoavva.

Movt árvomearkka galgá guoddit

Árvomearkka galgá guoddit seammaládje go St. Olav Árvomearkka:

Riddárruossa galgá sákkastuvvot olgeš beale raddái ja kommandørruossa mii lea báttis, galgá heaŋgát čeabehis, ja stuoraruossa galgá guoddit govda oalgebáttis mii manná fitnjut olgeš oalggi badjel. Nissonolbmot guddet riddárruossa ja kommandørruossa riddárruossabádde šløyfas gurut bealde rattis.

Árvomearka galgá máhcahuvvot Árvomearkakanselliai jus oažžu alit dási mearkka dahje jápmima maŋŋá.