Riikavearju

Norgga riikavearju lei álgoálggus Gonagas Carl Johana iežas. Carl Johan lei fránskalaš. Su namma lei Jean Baptiste Bernadotte, ja son čuovui militeara virgekarriere Napoleon áiggi. Keaisár galgá leat addán sutnje dán miehki dalle go nammadii Bernadotte fránskalaš marskálkan. Maŋŋil válljejuvvui Bernadotte ruoŧa ruvdnaprinsan ja oaččui mama Carl Johan, ja sus galgá leat dát miehkki leamaš mielde Leipzig soađis 1813:s, dalle go son soađái iežas ovdalaš keaisára vuostá.

Jus dát duođai lea marskálkka miehkki, de lea son ferten divuhit sihke miehkkebláđi, nađa ja skuohpu dan láhkái ahte dat galggai heivet riikavearjun.

Hábmen

Miehkkebláđđi lea ráhkaduvvon stállis, dasa leat sárgojuvvon symbolat mat govvidit Norgga ja Ruoŧa uniuvnna, norgga riikavearju ja ruoŧa ”Tre Kronor”.

Nađđa lea ráhkaduvvon gellehuvvon bronssas mas leat perlemor hearvvat, ja nađđageahči lea hábmejuvvon áikaniehttin.

Dohpas leat áikalasttat ja perlemor hearvvat.