Sihkarvuođaossodat

Gonagasbearraša sihkarvuođa fuolaha Garden ja Politiija Sihkarvuođabálvalusa (PST) Heakkaváktabálvalus.

Sihkarvuođaossodat fuolaha Hoava bargiid sihkarvuođa ja das lea maid ovddasvástádus gozihit gonagaslaš opmodagaid visttiid sihkarvuođadoaimmaid. Dárbbašlaš doaimmat árvvoštallojuvvojit opmodagaid geavaheami, symbolaárvvu ektui ja dan ektui man stuora historjjálaš árvu opmodagain lea.

Sihkarvuođahoavda Lars Ivar Frøystad jođiha Sihkarvuođaossodaga.

Bearimehtersihkarastin Šloahta ja eará gonagaslaš opmodagaid birra lea leamaš dehálaš proseassa man Sihkarvuođaossodat lea jođihan. Dynámalaš pullertat Šloahttaluohkás lea oassin das.

Bearimehtersihkarastin Šloahta ja eará gonagaslaš opmodagaid birra lea leamaš dehálaš proseassa man Sihkarvuođaossodat lea jođihan. Dynámalaš pullertat Šloahttaluohkás lea oassin das. Govven: Liv Osmundsen, Gonagaslaš hoavva

Vákta- ja resepšuvdnasekšuvdna

Dološ áiggi rájes lei vissis nammaduvvon vákta, kneakta, guhte fáktii alladási olbmuid. Dál leat dát kneakta-nammasaš vávttat resepšuvdnavávttat Gonagaslaš Šloahtas. Šloahta resepšuvdnabargit vuostáiváldet buot gussiid geat bohtet Gonagaslaš šlohttii, ja sii álo vuostáiváldet ja bearráigehččet Gonagasbearraša olbmuid go sii rasttildit Šloahta váldopoartta.

Sekšuvnnas lea ovddasvástádus Šloahta váktaguovddážii, gos leat bargit miehtá jándora juohke áidna beaivve. Leat maid dán ovttadaga bargit geat gozihit ja hálddašit buot alárbmasystemaid ja sii bearráigehččet Šloahta šilju ovttas Majestehta Gardeniin.

Vákta- ja resepšuvdnasekšuvdna hálddaša maid Šloahta telefonguovddáža ja lea ovddasvástádus doaimmahit dieđuiddoalvunbálvalusa, man ordonánssat barget. Leat Majestehta Gonagasa Gardena soalddáhat geat doaimmahit dien bálvalusa ja álo leat máŋga ordonánssat čadnon doibmii. 

Sekšuvnnas lea maiddá ovddasvástádus bearráigeahččat ahte lea álo rievttes leavga mii libarda Šloahta dáhki alde.

Biilabálvalus

Vuddjiid deháleamos doaibma lea sáhtostit Gonagaslaš bearrašii gullevaš olbmuid sierralágan doaimmaid oktavuođas, ja ortnegisdoallat ja gozihit Šloahta ja Skauguma biillaid. Sekšuvdna organisere maid biilaluoikama hoava bargiide, go sii sin bálvalusas dárbbašit biilla.

Vuoddjit mearridit vuodjinruvttu ja lea sin ovddasvástádus oažžut Gonagaslaš bearrašii gullevaččaid rievttes báikái rievttes áigái.
Šloahta biilavuddjiin lea lagas ovttasbargu Gonagaslaš politiijaekskortiin, ja buot vuddjiin lea gelbbolašvuođaduođaštus man vuođul sis lea lohpi vuodjit heahteleavttuin.

Šloahta biillat leat atnubiillat, priváhta ja almmolaš biillat. Lea mearriduvvon konverteret fossiilla biillaid el-biillaide dahje hybrida čovdosiidda nu guhkás go lea praktihkalaččat vejolaš.

A1 – 1939 Buick Roadmaster – lea eanemus dovddus biila mii gullá Šlohttii. Dat ii leat šat dábálaš anus, muhto sáhttá oidnot erenoamáš oktavuođain. Govven: Gonagaslaš hoavva.

Biilačoakkáldagas leat maiddái vihtta historjjálaš biilla, ja boarráseamos lea 1939 rájes. Dáidda lea stuora beroštupmi, ja biillat leat čájehuvvon máŋgga oktavuođain. Jus leat áibbas erenoamáš dáhpáhusat, de váldojit biillat adnui, nugo Stuorradikki allamenolaš rahpama oktavuođas ja gonagaslaš heajain.