Šloahta čoakkáldagat
Gonagaslaš čoakkáldagaide leat čohkkejuvvon dáidda- ja kulturárvodávvirat mat iešguđet ládje devdet ja hervejit Norgga historjjá 1814 rájes otnážii. Doppe leat sihke govvadáidda, govvejuvvon govat, duhkorasat, heastavuodjinbiergasat, viessogálvvut, silbbat, lihtit, biktasat ja tekstiillat ja gievkkandávvirat – earet eará.
Gonagaslaš čoakkáldagaid earenoamáš dovdomearka lea ahte dat sisttisdollet maid arkiivamateriálaid ja govaid mat hui earenoamáš láhkái eallindahket historjjá. Čoakkáldagat sisttisdollet muitalusaid mat eai muitaluvvo gostege eará báikkis Norggas.
Ollu dain dávviriin leat ain geavahusas, ja oassi dain čájehuvvojit gussiide go sii leat oahpisteaddji mielde Šloahtas čájehanmátkkis dan áigodagas go Šloahtta lea álbmogii rabas, ja čájehuvvojit maid Dronnet Sonja DáiddaStálja čájáhusain. Dávviriid luiket maid eará čájáhusaide museain Norggas ja olgoriikkain.
Vuolábealde oainnát muhtun oasi dain.
