Guossástallá FMC Technologies
Gonagaslaš Allavuohta Ruvdnaprinsa loahpaha iežas almmolaš guossástallama St. Petersburg gávpogis odne. Maŋemus oassi mátkkis lea oanehis guossástallan Norgga fitnodagas FMC Technologies. Fitnodat lea njunnošis olles máilmmis mii guoská oljo-ja gássabuvttadeami čovdosiidda meara vuolde.
FMC Technologies lea doaibman Ruoššas 2009 rájes, ja dan fitnodaga váldokantuvra lea Moskvas. St. Petersburgas ovttasbargá FMC polyteknihkalaš universitehtain gelbbolašvuođa huksemis. Universitehta lea ásahan oahppoguovddáža, gos studeanttat geain juo lea mastergráda mekanihkalaš fágain, sáhttet joatkit 6 mánnosaš subseateknologiija oahpuin . Ja sin várás geain lea dohkálaš gelbbolašvuohta, lágiduvvo dasa lassin l 12-18 mánnosaš praksisprográmma FMC váldokantuvrras Kongsbergas – ja sii ožžot maid bargofálaldaga St. Petersburg kantuvrrain.
Odne beasai Ruvdnaprinsa Haakon gullat Dálvepalássa kantuvrraid doaimmaid birra. Guokte bargi muitaleigga maiddái dutkanovttasbarggu birra ja movt ruošša nuoraide leat bargat Norgga fitnodagas.
Mearavuole doaimmaide biergasat
FMC Technologies lea buvttadan buot mearavuol-biergasiid Ruošša vuosttaš buhtis mearavuole doaibmabáikái, namalassii Kirinskoe doibmii, maid Gazprom oamasta, ja mii lea Sakhalin guovllus, áibbas nuortan Ruoššas. Dat báiki rahppojuvvui 2013:s, ja dat galgá buvttadit gássa 6 gássagáldus. Dát installašuvdna lea vuosttaš mii lea ásahuvvon Ruššii.
-
St. Petersburg: Isak-katedralen
Isak-katedralen er et av landemerkene i St. Petersburg (Foto: Gorm Kallestad / NTB scanpix)Govva 1 / 3 -
St. Petersburg: FMC
Kronprins Haakon på omvisning hos FMC Technologies i St. Petersburg (Foto: Sergey Konkov)Govva 2 / 3 -
St. Petersburg: Palassplassen
Palassplassen foran generalstatsbygningen i St. Petersburg (Foto: Gorm Kollestad, NTB Scanpix)Govva 3 / 3
Stuorát govva
Stuorát govva
Stuorát govvaJuogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.
Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.