Nicaragua 2007

Mánnodaga skábmamánu 5. beaivvi rabai Ruvdnaprinseassa Mette-Marit konferánssa Central American meeting for people living whith HIV/AIDS, mii lágiduvvui viđat geardde. Oassefáttat maid Ruvdnaprinseassa čuovui, ledje

• Universal Access - Is Central America reaching the goals?
• Women who live with HIV in Central America and the community approach in the defense of sexual and reproductive rights (Roundtable)

Ruvdnaprinseassas lei maid čoahkkin ASONVIHSIDA. ASONVIHSIDA bargá dehálaš barggu HIV/AIDS oktavuođas Nicaraguas, ja atná garra fokusa dasa ahte sihkkarastit olmmošvuoigatvuođaid ja buoridit sin eallindili geaidda HIV njoammu.

Fundación Xochiquetzal

Maŋŋelgaskabeaivvi finai Ruvdnaprinseassa geahččamin prošeavtta maid Fundación Xochiquetzal doaimmaha – dat lea organisašuvdna mii bargá olbmuiguin geain lea HIV/AIDS. Fundación Xochiquetzal lea čađahan ollu sosiála prošeavttaid miehtá Nicaragua, ja lea juo dan rájes álggahuvvui 1990:s huksen viiddis vásáhusaid dan hárrái makkár hástalusaiguin HIV-positiiva olbmot šaddet deaividit.

Čoahkkimat

Distaga skábmamánu 6. beaivvi álggahii Ruvdnaprinseassa čoahkkimiid báikkálaš ovddasteddjiiguin mat gullet dan njealji organisašuvdnii: Kirkens Nødhjelp, Redd Barna, Plan ja Socorro, mat buohkat leat fárus HIV/AIDS-prošeavttain Nicaraguas. Organisašuvnnat muitaledje Ruvdnaprinsessii Mette-Maritii iežaset bargguid birra.

Maŋŋelgaskabeaivvi finaiga Ruvdnaprinseassa ja Peter Piot Presideanta Daniel Ortega ja Rosario Murillo guossis.

SI Mujer guossástallan

SI Mujer lea earalágán nissonguovddáš mii bargá nissonolbmuid ja nuoraid vuoigatvuođaiguin. Sii barget oččodit dearvvašvuođabálvalusaid ja oahpu almmá vealáheami haga.

Lassin dasahte Ruvdnaprinseassa Mette-Marit beasai gullat guovddáža bargguid birra, de čájehedje maid sutnje ja UNAIDS' jođiheaddjái Peder Piot sihke álbmotdánssaid ja teáhterbihtáid main govvidedje iešguđetlágan gáttuid ja tabuid mat leat čadnojuvvon HIV/AIDS dávdii. Stuorámus boasttugáddu lea ahte olbmot ballet dávdda njoammut go guoskkahallá dábálaččat olbmui geas lea HIV, ja dán gáttu áigu guovddáš oažžut nohkkat,ja dan sii čájehedje ge čájáhusain Ruvdnaprinsessii ja Piot.

CONCASIDA

Distat eahket lei Ruvdnaprinseassa fárus V Central American Meeting of People living with HIV/AIDS loahpahanseremoniijas ja CONCASIDA konferánssa rahpamis.

CONCASIDA rahppui almmolaččat seamma eahket go álgo V Meeting of people living with HIV/AIDS loahpahuvvui. Konferánssa fáddá lei: Our response: Equity, Diversity and No Discrimination.

Maŋemus beaivi

Skábmamánu 7. beaivvi lei Ruvdnaprinseassa maŋemus beaivi Nicaraguas. Ruvdnaprinseassa čuovui CONCASIDA konferánssa ja deaivvadiit nissonjođiheddjiiguin ovdal go vulggii ruoktot gaskavahku maŋŋelgaskabeaivvi.

Nicaragua

Nicaragua lea Latin-Ameriikka nubbin geafimus riika. Riikka 5, 6 millijuvnna ássiin eallá 48 proseanta geafivuođaráji vuolde, mii lea guokte dollara beaivái. 7300 olbmo leat registrerejuvvon HIV-positiivan. Diet lohku lea čađat lassánan 1990-logu loahpa rájes.

Norga lea dorjon AIDS guoskivaš bargguid Nicaraguas gitta 1995 rájes.