Thailánda 2004

Ruvdnaprinsabárra finai Thailánddas skábmamánu 23. - 26. beivviid 2004. Mátkkoštallan sisttisdoalai ollu guossástallamiid ja čájehemiid mat gusket kultuvrralaš oaidninveara báikkiide, ealáhuseallimii ja humaniteara bargguide.

Skábmamánu 23. beaivvi

Ruvdnaprinsabárra boahtá Don Muang internašunála girdihámmanii almmolaš buresboahtin seremoiniijai. Dan maŋŋá vulggii Ruvdnaprinsabárra Boromabiman Mansionii; ođđasit palássa mii lei Ruvdnaprinssa ja Ruvdnaprinseassa guosseviessu guossástallama oktavuođas. Dan maŋŋil muitaledje Grand Palace ja dasa gullevaš tempeliid birra ja čájehedje daid Ruvdnaprinsii ja Ruvdnaprinsessii

Skábmamánu 24. beaivvi

Ruvdnaprinsabárra oaččui dieđuid Royal Chitralada Prošeavtta birra– mii lea gonagaslaš eanandoalloprošeakta mii čalmmustahttá ceavzilis reidenvugiid. Prográmmas ledje maid guossástallamat mat čalmmustahtte HIV/AIDS váttisvuođaid ja geafivuođa eastadeami.

Dasto mátkkoštii Ruvdnaprinsabárra Hua Hinii, gos Gonagas Bhumibol ja Dronnet Sirikit vuostáiválddii sudno audienssas. Hua Hin guossástallamis beasaiga Ruvdnaprinsa ja Ruvdnaprinseassa maid fitnat ja oaidnit Klai Kangwon Palace.

Skábmamánu 25. beaivvi

Ruvdnaprinsabárra čuovui ráfiseminára rahpama Chulalongkorn universitehtas ja norgga designčájáhusa rahpama. Soai leigga maid vuostáiváldimis maid stáhtaministtar Thaksini ja su roavvá Khunying Potjaman Shinawatra lágideigga ráđđehusa ovddastanviesus Bangkokas.

Skábmamánu 26. beaivvi

Beaivvi prográmma álga guossástallamiin YARA Thailandas, gos muitalit iežaset bargguid birra riikkas. Viidáseappot finadii Ruvdnaprinsabárra Kredtakarn Centres, mii lea guovddáš mii bargá nissonolbmguin ja mánáiguin geat gillájit prostitušuvnnas dahje geat leat vásihan prostitušuvnna ja olmmošgávppašeami.

Dan maŋŋil finadeigga gonagaslaš guossit Bang Pa-In Palássas ja historjjálaš Ayutthayas, mii lei Thailándda oaivegávpot gaskal 1350-1767. Almmolaš guossástallama loahpas lei Ruvdnaprinsabárra Loi Krathong Festiválas. Festiválalágiduvvo skábmamánu gaskkamuttos juohke jagi ja lea Thailándda čakčagiitusfeasta.